विराटनगर: सुन्दै अचम्म लाग्ने झिंगाले पनि मान्छे कुटायो भनेर, तर मोरङ सोराभाग बेतना टोलका बासिन्दाले झिंगाकै कारण कुटाई खाएका छन् ।
गाउँलेले कुटाई मात्रै खाएका छैनन् प्रहरी हिरासतमा समेत पुग्नु परेको छ ।कुटाई खानेमध्येकै एक हुन तुलसीप्रसाद ढकाल । उनको ढाडमा निलडामै निलडाम छन् । प्रहरीले शरीरभरि लाठी बर्साउँदा उनी हल न चल भएका छन् । चोट चहर्याउँछ । दुखेर रातभरि राम्रोसँग सुत्न सक्दैनन् । हात पनि सुन्निएको छ । ढकालले गाउँमा झिंगा फैलिएर दुःख भयो धपाई देऊ भन्दै न्याय माग्न जाँदा प्रहरीले नराम्रोसँग चुटेको हो ।
गाउँमा खुलेको कुखुरा फारमका कारण दुर्गन्ध र झिंगा फैलिएर बस्नै नसक्ने भएपछि समस्या समाधान गाउँलेले आग्रह गरेको तर प्रहरीले उल्टै उद्योगीको पक्षमा लागेर गाउँले कुटेको ढकालले बताएका छन् ।
शर्मिला राजवंशीले पनि प्रहरीको लाठी खाइन् । उनको खुट्टामा चोट छ । खोच्याएर हिँड्छिन् । उनले भनिन्,‘झिंगाले दुःख दियो, धपाऊ भन्दै गएका थियौं । प्रहरीले कुट्यो ।’
शर्मिला राजवंशीले पनि प्रहरीको लाठी खाइन् । उनको खुट्टामा चोट छ । खोच्याएर हिँड्छिन् । उनले भनिन्,‘झिंगाले दुःख दियो, धपाऊ भन्दै गएका थियौं । प्रहरीले कुट्यो ।’
गाउँलेका अनुसार मोरङको सोराभागस्थित विराट पोल्ट्री फार्मबाट निस्कने दुर्गन्ध र झिंगाका कारण तीनवटा गाविसका आधा दर्जन टोलका एक हजार परिवार पीडित छन् । उद्योगबाट निस्कने झिंगा गाउँभरि फैलिएका छन् । रंगेली, सोराभाग र दर्वेशाको बेतना, मायागञ्ज तथा आमतोलाका बासिन्दा बढी पीडित छन् ।
समस्या सल्ट्याउन उद्योगलाई बारम्बार आग्रह गर्दासमेत वास्ता नगरिएपछि आन्दोलनमा उत्रिएका गाउँलेलाई प्रहरीले मंगलबार निर्घात कुटपिट गरेको पीडित दुर्गा गिरीले बताइन् । उनले भनिन्,‘हामी महिलालाई पनि लछार पछार गर्दै कुटपिट गरे । मेरो घाँटीमा लगाएको मंगलसुत्र पनि हरायो ।’
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon