badi pahiro

वासिङटन, १२ असार । अमेरिकाको वेस्ट भर्जिनियामा आएको बाढीमा परी ज्यान जानेको सङ्ख्या २३ पुगेको छ ।

अमेरिकी अधिकारीहरुले दिएको जानकारीअनुसार सो क्षेत्रमा ठूलो सङ्ख्याका सर्वसाधारण नागरिक रुखमा चढेर तथा कतिपय स्थानमा घरको छाना र छतमा बसेर ज्यान जोगाइरहेका छन् ।

उद्वारकर्मीहरुले उद्वारको कार्यलाई तिब्रता दिएका छन् । अधिकारीहरुले भनेका छन् सो क्षेत्रमा क्षतिको मात्रा निकै ठूलो रहेको छ । उनीहरुले उद्वारको कामलाई निकै तदारुकता दिएका छन् ।

शुक्रबार दिउसोसम्ममा १४ जनाको मात्र निधन भएको थियो । राति अबेरतिर आएको बाढीमा परी थप नौ जनाको ज्यान गएको हो ।

एकजना आठ वर्षीय बालक उसको आमा र दिदीसँग हिँडीरहेका बेला अकस्मात आएको बाढीले बगाएको थियो । उसको शव तीन घन्टापछि भेटिएको थियो ।

यसरी बाढीमा पर्ने र भौतिक क्षति हुनेको सङ्ख्या निकै धेरै रहेको छ । सयौँ घर परिवार घरबारबिहीन भएका बताइएको छ ।

शुक्रबार अबेरसम्ममा कम्तीमा पाँच सय मानिस बाढीका कारण अलपत्र परिरहेका छन् । उनीहरुले आफ्नो ज्यान मात्र जोगाउन सकिरहेकोले सेना र प्रहरीले उद्वारको कामलाई तिब्रता दिइएको जनाएका छन् ।

गए राति नै करिब १७ वटा शिविर बनाएर विभिन्न स्थानमा उनीहरुलाई राखिरहेका छन् । बाढीको प्रकोप कम भएको छैन ।

त्यसैले सुरक्षाकर्मीहरुले यस्तो अवस्थाका नागरिकलाई कतै पनि ननिस्किन र घर वा अन्यत्रै भएमा पनि सुरक्षितसाथ बस्न सूचना जारी गरिरहेको छ । रासस÷एएफपी

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post