basanta gauchan

असार १०, २०७३- पूर्वराष्ट्रिय फुटबल खेलाडी वसन्त गौचनले वार्षिक ५५ लाख रुपैयाँ पारिश्रमिक पाउने गरी जापानमा व्यावसायिक सम्झौता गरेका छन् ।
जापानमा फुटबल प्रशिक्षण यात्रा प्रारम्भ गर्नेक्रममा हालैमात्र गौचन फनरुट्स फुटबल एकेडेमीमा आबद्ध भएका छन् । यो टोकियोमा अवस्थित व्यावसायिक फुटबल एकेडेमी हो ।

उनले पुमा सकर क्लब, चोफुओचुकाको स्कुल टिममा ६ वर्षदेखि १२ वर्षसम्मकालाई तथा कोमाजावा सकर क्लबमा ४ देखि १० वर्षका खेलाडीलाई प्रशिक्षण दिन्छन् । यी तिनै फनरुट्स अन्तर्गतका शाखा हुन् । यही टिमलाई प्रशिक्षण दिएबापत गौचनले मासिक साढे चार लाख रुपैयाँ भन्दा बढी पाउने भएका हुन् ।

फनरुट्सको जर्मन टिम बोरुसिया डर्टमुन्डसँग ‘टाइ अप’ छ । डर्टमुन्डले जापानमा आफ्नो एकेडेमी र फुटबल स्कुल पनि चलाएको छ । डर्टमुन्डबाट हरेक वर्ष फनरुट्समा युवा खेलाडीलाई प्रशिक्षण दिन प्रशिक्षक आउने गर्छन् । फनरुट्समा उनी स्पोर्ट्सको विद्यार्थीका प्रशिक्षकलाई इन्स्ट्रक्टर पनि गर्छन् ।  

‘यो एकेडेमीसँग जोडिएर मैले आफ्नो स्तरलाई अझै माथि लैजाने अवसर पाएको छु, यस एकेडेमीमा युरोपका प्रशिक्षकहरू आउँछन् । त्यसबाहेक जापानका वरिष्ठ प्रशिक्षक र पूर्वखेलाडीहरूले प्रशिक्षण दिने हुनाले मैले पनि धेरै सिक्ने अवसर पाउनेछु,’ गौचनले जापानबाट भने ।

सन् १९९७ देखि २००१ सम्म नेपाली राष्ट्रिय टिमबाट खेलेका मनाङ–मस्र्याङदी क्लब र रानीपोखरी कर्नर टिमका पूर्वमिडफिल्डर गौचनले भने, ‘यो एकेडेमीमा प्रशिक्षण दिनु चुनौती धेरै छ, तर मैले पनि नेपालको प्रतिनिधित्व गरिसकेको हुनाले र एएफसीको ‘बी’ लाइसेन्स प्रशिक्षक भएको हुनाले आफ्नो जिम्मेवारी पूरा गर्नेमा विश्वस्त छु ।’ १९९९ मा नेपालले काठमाडौंमा दक्षिण एसियाली खेलकुदमा फुटबलमा रजत जित्दा गौचन टिमका महत्त्वपूर्ण सदस्य थिए ।

http://bit.ly/28SKMeB

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post