काठमाडौं । सुगौली सन्धी अघिको नेपालको नक्शा चिनियाँ राष्ट्रपतिका सल्लाहकारको हातमा पुगेको छ । ग्रेटर नेपाल राष्ट्रवादी मोर्चाका अध्यक्ष फणिन्द्र नेपालले चीन पुगेर राष्ट्रपति सी जिन पिङका प्रमुख सल्लाहकार लि जिक्वाङलाई नक्शा हस्तान्तरण गरेका हुन् ।
सल्लाहकार लिसँगको वार्तामा उनले ग्रेटर नेपालको अवधारणाबारे प्रस्ट्याएका थिए ।
‘उहाँले चासोका साथ ग्रेटर नेपालको विषयमा जानकारी लिनुभयो र यसलाई आफूले सकारात्मकरुपमा ग्रहण गरेको बताउनुभयो,’ नेपालले अनलाइनखबरसँग भने ।
नेपालले जस्तै चीनले पनि भारतसँग सीमा समस्या भोगिरहेको भन्दै सल्लाहकार लीले यसबारे दुबै देशले ठोस रणनीति अख्तियार गर्नुपर्ने बताएका थिए ।
नेपालका अनुसार लीले ग्रेटर नेपालबारे बंगलादेशका कुटनीतिज्ञहरुले आफूसँग जिज्ञासा राखेको जानकारी दिएका थिए । ‘यो अध्ययनका निम्ति असाध्यै गम्भीर विषय हो,’ लीले भने ।
मोर्चाका अध्यक्ष नेपालले नेपाल र चीनबीच शान्ति तथा मैत्री सन्धी हुन किन बिलम्ब भएको हो भन्ने जिज्ञासा आफूले राखेको बताए । ‘लीले आफूले यस सन्धिको मस्यौदा धेरै पहिले आफ्नो सरकार समक्ष बुझाइसकेको बताउनुभयो,’ उनलेे भने ।
नेपालले आफ्नो दुई साता लामो भ्रमणका क्रममा नेपालले सिचुआन विश्वविद्यालयका चार प्रोफेसरहरुसँगको संयुक्त भेटघाट गरेका थिए । उनीहरुले चीनको समुद्री बन्दरगाह नेपाललाई अंकमाल गर्न व्यग्र रहेको बताएको नेपालले जानकारी दिए ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon