विराटनगरःमोरङमा १२ वटा भएका बलात्कारका घटनामा १० वटा बालिका बलात्कारका घटना भएका छन् । यो तथ्याङ्कले बालिका बलात्कार बढ्दो क्रममा पुगेको देखाएको छ ।
विगत ६ महिनामा ५१ वटा मानवअधिकार उलङ्घन तथा ज्यादतीका घटनाहरु भएकोमा १२ वटा बलात्कारका घटनासँग सम्बन्धित थिए । तीमध्ये पनि धेरै बालिका बलात्कारका छन । जिल्ला अदालत मोरंगले बुधबारमात्रै आफ्नै छोरीलाई बलात्कार गर्ने एकजना बुबालाई २३ वर्ष जेल सजायको फैसला गरेको थियो ।
इन्सेक मोरङले नेपाल मानव अधिकार वर्ष पुस्तक २०१७ का लागि संकलन गरिएका घटनाहरुको प्रकाशन पूर्वसमीक्षाका लागि विराटनगरमा विहीबार गरेको कार्यक्रममा घटनाबारे जानकारी गराइएको हो ।
घटनामध्ये सबैभन्दा बढी २९ वटा घरेलु हिसासँग सम्बन्धित छन् । यो अवधिमा १२ ओटा बलत्कारका घटनामा १० जना बालिका पीडित रहेको समेत तथ्याङ्क सार्वजनिक गरिएको छ । कार्यक्रममा इन्सेक क्षेत्रीय कार्यालय प्रमुख सोमराज थापाले पूर्व समीक्षाको महत्वको बारेमा जानकारी गराउनु भयो ।
कार्यक्रममा इन्सेकका महासचिव रमेशचन्द्र पौड्यालले मानवअधिकार उलङ्घनका घटना कमहुदै जाउनभन्ने चाहना भएपनि मानवअधिकार उलङ्घनका घटनामा कमी आउन नसकेको बताउनु भयो । महासचिव पौड्यालले इन्सेकले सीमित स्रोत साधनबाट ब्यापक क्षेत्र ओगटेको मानवअधिकार सिङ्गै हेर्न नसक्ने भएकोले सबैको सहयोगको खाचो रहेको बताउनु भयो । कार्यक्रममा मोरङका प्रमुख जिल्ला अधिकारी तोयम रायाले कानुन र विधीअनुसार सबै चल्ने हो भने मानवअधिकार उलङघनका घटना कम हुदै जाने बताउनु भयो ।
त्यसैगरी मोरङमा प्रहरी प्रमुख सन्दीप भण्डारीले मानवअधिकारको संरक्षणमा राज्यको उतरदायी भएपनि एक्लो प्रयासले नहुने भएकोले मानवअधिकारकर्मी, पत्रकार,नागरिक समाज सबैको सहकार्यको आबश्यकता रहेको बताउनु भयो । नेपालपत्रकार महासंघका केन्द्रीय सदस्य गणेश लम्सालले घटना संकलनकार्यसंगै अनुगमन र मुल्याङकनलाई संगै लिएर गए मानवअधिकार उलङघन गर्नेहरु पछि हट्ने बताउनु भयो ।
कार्यक्रममा सहभागिहरुले अन्य संघसस्थामा आएका घटनाहरु पनि विश्लेषण गरेर बर्षपुस्तकमा समाबेश गर्न इन्सेकलाई सुझाव दिएका छन् ।
-
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon