यदि तपाई खोकीजन्य खकार बाट छुटकारा पाउन चाहनुहुन्छ भने यी चार प्रकारका खानेकुराहरुलाई आफ्नो नियमित भोजनमा सामेल नगर्नुहोस् ।
धेरैलाई मननपरे पनि यो विषयका बारेमा गहिरो छलफल हुनुपर्छ भन्ने तर्क विद्धानहरुको रहिआएको छ किनकि यो शरीरिक प्रक्रियाका लागि एक अतिनै महत्वपूर्ण छ । सिङान, र्याल र नाकमा जम्माहुने खैटी पनि खकारकै अंशहरु हुन् र यीनीहरुले शरीरमा चिल्लोपना तथा लुब्रिकेन्टको काम गर्छ ।
मुख, नाक, स्वर यन्त्र, फोक्सो, आन्द्रा नली र घांटी लगायतमा खकार उत्पादन गर्ने तन्तुहरु हुन्छ । यी तन्तुहरुले उत्पादन गर्ने खकारले यी तन्तुहरुलाई सख्खा हुन दिदैन र साथै यी तन्तुहरुको सतहलाई किटाणु आक्रमणबाट पनि बचाउँछ ।
खकारले किटाणु, भाइरस तथा अन्य परजिवीको आक्रमणबाट शरीरलाई बचाउने काम पनि गर्छ । जब शरीरमा कुनै परजिवी प्रवेश गर्न खोज्छ, खकारले परजिवी प्रवेश गर्ने मार्गलाई थुनिदिन्छ जसका कारण परजिवी शरीमा पुर्ण रुपले प्रवेश गर्न पाउँदैन । अर्को शब्दमा भन्ने हो भने खकारले शरीरमा रोगबेथा लाग्न दिदैन ।
बिज्ञ चिकित्सकहरुका अनुसार, बिरामी परेको बखत हरियो खकार तथा चिप्लो थुक आउनु भनेको शरीरमा भएको रोग निको हुँदै गएको भन्ने बुझिन्छ । बिज्ञहरुका अनुसार, यस्ता खकारमा इन्जाइम, पोषण, विषादी नाशक गुणहरु आबद्ध रहन्छ जुन रोगसँग लड्न अति आवश्यक हुन्छ । बिरामी परेका बेलामा शरीरका लागि यी तत्वहरु अति आवश्यक पर्छ । बिरामी परेका बेलामा तपाईले यस्ता खकारमा बृद्धि भएको अनुभव गरेको हुनुपर्छ । यस्तो अवस्थामा कतिपय जना डराउने गरेको पाइन्छ । तर यस्तो बेलामा डराउनु पर्ने कुनै काम छैन किनकि यसले तपाईको रोग बिरुद्ध काम गरिरहेको बुझ्नु पर्छ ।
खकार उत्पादन हुने बारेमा:
मानव शरीरले नियमित रुपमा खकार उत्पादन गर्ने गर्छ तर हामीले यसलाई वास्ता गरिरहेको हुँदैनौं । यसो किन भएको हो भने कतिपय अवस्थामा खकारको रुप पातलो झोल जस्तै हुन्छ र यो सजिलै सँग घाटी भित्रबाट चिप्लिएर जान्छ र यो त्यहाँ भएको तपाईलाई थाहै हुँदैन ।
तर कतिपय अवस्थामा खकारको मात्रामा बृद्धि भएर जान्छ र तपाईले यसबाट छुटकारा पाउनका लागि ओखतीको सहायता समेत लिनु पर्ने हुनजान्छ । खोकी, दम जस्ता समस्यामा खकारको मात्रामा बृद्धी हुन्छ र यसबाट छुटकारा पाउन हामी ओखतीको सेवन गर्छौ ।
जस्तो कि माथिनै बताइसकिएको छ तपाई बिरामी परेको बेलामा यो खकार बाक्लो र चिप्लो हुने संभावना प्रवल रहन्छ जसका कारण तपाईको नाकले एक प्रकारको ङ्यार( ङ्यार जस्तो आवज निकाल्न थाल्छ । दम, रुघा, पिनास, फ्लू तथा चिसोले सताएको बेलामा नाक अति सक्रिय भएर जान्छ र यसले थरिथरिको आवाज निकाल्ने गर्छ । त्यस्तो बेलामा पनि हामी ओखतीको प्रयोग गर्ने गर्छौ ।
तर तपाईको शरीरलाई एलर्जिले सताएको बेलामा खकारले निरोधक को काम गर्नुका साथै यसले शरीरमा एलर्जी हुन दिदैन । बिज्ञहरुका अनुसार कतिपय खानेकुराका कारण कफ तथा खकारको मात्रामा बृद्धि हुने गर्छ । र यसको रोकथामका लागि केही खानेकुराहरुलाई बार्नु पर्ने हुन्छ ।
खानेकुराहरु जसका कारण खकार उत्पादन हुन्छ:
कतिपय निश्चित खानेकुराहरु छन् जसका कारण खकार उत्पादन हुने झिल्ली तथा अंगलाई सुनाउने काम गर्छ र यसको परिणामस्वरुप तपाईको शरीरमा अत्यधिक मात्रामा खकार, सिङान, थुक जस्ता चिल्लो पदार्थहरु उत्पादन हुनथाल्छ ।
अनुसन्धानकर्ताहरुले विशेषगरि चार प्रकारका खानेकुराहरु पत्ता लगाएका छन् जसका कारण अत्यधिक मात्रामा खकार उत्पादन हुन सक्छ । यदि तपाई आफ्नो शरीरले खकार, सिङान, र्याल लगायतका चिल्लो पदार्थ उत्पादन नगरोस भन्ने चाहनु हुन्छ भने तपाईले यी चार थरिका खानेकुराहरुबाट परै बस्नु पर्छ ।
१. दुध लगायत अन्य दुध जन्य खानेकुराहरु
२. रातो मासु जसमा चिल्लोको मात्रा अत्यधिक रहन्छ
३. रक्सी
४. ग्लुटेन (ग्लुटेन भनेको इलास्टिक जस्तै तन्किने गुण भएको विशेषगरि गहँुको पीठो मुछेर बनाइएको खानेकुराहरु)
यी खानेकुराहरुमा गस्टेटोरी राइनाटिज (एलर्जी उत्पादन गर्ने क्षमता) को मात्रा अत्यधिक रहन्छ जसका कारण खकार बृद्धि हुन्छ । स्वासप्रश्वास तथा दम रोगीहरुका लागि यसले अपठ्यारो पार्छ ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon