काठमाडौं, २० असार । नेपाली हलहरूमा आक्रमक रूपमा एड्भान्स बुकिङ् भइरहेको सलमान खान अभिनित ’सुल्तान’का लागि ३ करोड २० लाख नेपाली रूपयाँ तिरिएको छ। यो रकममा सुल्तानको नेपाल बिक्री रकम भने हैन् । फिल्मलाई एड्भान्स कमिशनमा किनिएको हो । गोपीकृष्ण मुभिजले फिल्मलाई नेपाल ल्याएको हो । उनीहरूले निर्माण कम्पनी यशराज फिल्मसबाट फिल्म किनेको नभइ नाफा बाँडफाडका आधारमा नेपाल ल्याएको हो । गोपीकृष्णले तिरेको रकम आउनसक्ने नाफाको हिस्सालाई आधार मान्दै तिरेको जानकारी गोपीकृष्ण मुभिजमा वितरक विभाग सम्हाल्दै आएका प्रमूख निरज पौडेलले दिएका छन् ।
निरजका अनुसार कुल व्यापारमा ८० प्रतिशत यसराजले पाउनेछ भने गोपीकृष्णले २० प्रतिशत पाउने सर्तमा नेपालमा गोपीकृष्णले वितरण जिम्मा पाएको हो। उनका अनुसार यसराजले सबैलाई यही आधारमा फिल्म बेचेको छ । ‘पाकिस्तानले समेत १० करोड भारूमा फिल्म किन्न खोजेको भए पनि यशराजले आफ्नो सर्तमा मात्र फिल्म दिएको छ । नेपालबाट पनि केही वितरक हाम्रो भन्दा आकर्षक रकम प्रस्ताव लिएर गएको भए पनि हाम्रो कम्पनीको उक्त कम्पनीसँगको २५ वर्ष लामो सहकार्यका कारण हामीलाई दिइएको हो’, उनले भने । यसअघि पनि यशराजका फिल्मलाई गोपीकृष्णले मात्र नेपालमा वितरण गर्दै आइरहेको छ । निरजले दिएको जानकारी अनुसार नेपालमा सुल्तानलाई केही प्रतिशत मिनिमम ग्यारेन्टी (एमजी’ र अन्य नाफा बाँडफाँडका आधारमा बेचिएको बताए । उनले फिल्मले नेपालमा राम्रो व्यापार गर्ने आशा व्यक्त गरे ।
- See more at: http://www.lightnepal.com/28058/#sthash.1kFq2DQa.dpuf
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon