a human in doti

डोटी, १० असार । डोटीको सानागाउँ गाविसमा दुवै खुट्टामा किरा परेका बेवारिसे एक मानिस बिहीबार फेला परेका छन् ।

अन्दाजी ५०÷५५ वर्ष उमेरका देखिने तर बोल्नै नसक्ने ती मानिसलाई सानागाउँ–७, मसानघाटमा फेला पारेको सानागाउँ प्रहरी चौकी इन्चार्ज प्रहरी सहायक निरीक्षक नवराज अवस्थीले जानकारी दिनुभयो ।

बेवारिसे अवस्थामा जीवित तर छट्पटाइरहेको मानिस खोलामा रहेको भन्ने हल्ला सुनेपछि नेपाल रेडक्रस सोसाइटी डोटीका सभापति लक्षीराम कुँवरसहित स्थानीय शिक्षक र प्रहरीले ती मानिसको उद्धार गरेको जिल्ला प्रहरी कार्यालय डोटीले जनाएको छ ।

उनको सानागाउँ स्वास्थ्यचौकीमा उपचार सम्भव नभएपछि अहिले जिल्ला अस्पताल डोटीमा उपचार भइरहेको अस्पतालले जनाएको छ ।

सडकबाट झन्डै ४५ मिनेट टाढा रहेको सानागाउँ, काडामाडाँै र गैरागाउँ गाविसको बीचमा पर्ने खोलामा ती व्यक्ति फेला परेको डोटीका प्रहरी प्रमुख प्रहरी उपरीक्षक डिल्लीराज बिष्टले जानकारी दिनुभयो । ती व्यक्तिको वास्तविक नाम ठेगाना खुल्न नसके तापनि नेपाली मूलकै रहेको प्रहरीले जानकारी दिएको छ । रासस  

• Tweet
• Share
• Share
• Share
• Share

About Admin MC3

This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.

Related Post