काठमाडौं, १६ असार । काठमाडौंको रातोपुल क्षेत्रमा गुण्डा शैलीमा एक जना मन्त्री झुल्किए । ५/६ जना कुण्डले/मुन्द्रेलाई गाडीमा राखेर आएका ती मन्त्रीको शैली कुनै गुण्डाको भन्दा फरक थिएन । हुन त कुनै समयमा ती मन्त्री राजधानी र काभ्रे जिल्लातिर कहिलएका गुण्डा नाईकेमा पर्थे । उनको नाम हो, रेशमबहादुर लामा । लामा राप्रपा नेपालका सांस
तथा स्थानीय विकास सहायक मन्त्री छन् । यूनाइटेड पोष्ट साप्ताहिकले समाचार छापेको छ । गत शनिबार करिव चार बजेतिर रातोपुल क्षेत्रमा सरकारले उपलब्ध गराएको झण्डावाल गाडी आफै चलाएर झुल्किएका लामाको कार्यशैली नोटिस गर्न लायकको थियो । आफू कुन पदमा छु भन्ने भुलेर झण्डावाल गाडी आफै हाँकेका सहायक मन्त्री लामाले किन त्यसो गरे होलान् भनेर सबैमा चासो बढेको छ । बहालवाला मन्त्रीले झण्डावाल गाडी आफै चलाउन पाइँदैन । सुरक्षाका दृष्टिकोणले पनि सरकारले उपलब्ध गराइदिएको चालकले गाडी चलाउनु पर्छ । गृहमन्त्रालयले मन्त्रीहरूका लागि आफ्नै किसिमले सुरक्षा अपनाएको हुन्छ । तर, आफ्नो चालकलाई गाडी चलाउन नदिएर आफै हुइँक्याएका सहायक विकास मन्त्री लामाले सुरक्षागार्डलाई भने साथै राखेका थिए । उनको गाडीमा सवार युवाहरू पनि गुण्डा शैलीमा गाडीभित्र बसेर जथाभावी बोलेको प्रत्यक्षदर्शीले बताएका छन् । गुण्डा नाईकेको पुरानो शैली अहिले पनि सुधार नगरेको भन्दै बेलाबखत आलोचना हुने गरेपनि लामाले झन् आफ्ना गतिविधिलाई झनै सक्रिय तुल्याउन थालेको आरोप छ । त्यस्तो अराजक गतिविधि गर्ने सहायक मन्त्री लामालाई कसले कारबाही गर्ने ? उनलाई कारबाही गर्ने हिम्मत प्रधानमन्त्री केपी ओलीले गर्न सक्लान ? राप्रपा नेपालमा लागेर राजसंस्था र हिन्दू राष्ट्रका पक्षमा लागेका लामाको कार्य सम्पादन सन्तोषजनक छैन । स्थानीय विकास मन्त्रालयमा बसेर आफ्ना आसेपासे र लामा–लामा कपाल भएका, कुण्डले र मुन्द्रेहरूलाई ल्याइ सेल्फी फोटो खिच्ने गरेका लामाले नगरपालिका प्रमुखहरूलाई फोन गरेर कार्यकर्तालाई जागिर लगाउन भन्दै दबाब दिने गरेका छन् ।
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon